Nepali Literature Web (नेपाली साहित्य सञ्जाल)

गजल -  कलपना राई

 

 

मनमा मायाको अमिट छाप दिएर गयौ ।

अँगाल्दै सुस्तरी पिठ्युँमा धाप दिएर गयौ ।।

 

 

उर्लन्छ खहरे सम्झना बनि छल्किन्छ आँसु,

चिसिन्छ कहिले अनौठो ताप दिएर गयौ ।।

 

 

ढले म काखैमा बेहोस भई विछोड सम्झी,

रोकिन्दा धड्कन स्वासको चाप दिएर गयौ ।।

 

 

सडक किनार काम्दैथेँ म त तुषारो पर्दा,

किनेर पछ्यौरी आँतमा खाप दिएर गयौ ।।

 

 

ढुङ्गामा फुल्दैछ गुलावी भाव "कल्पना" गर्दा,

खुसीमा आँसुको अमूल्य फाप दिएर गयौ ।।