लघुकथा

झुट

"सरला म तिमीलाई मायाँ गर्छु ।"

Sangharsha Kshetri
(संघर्ष क्षेत्री)

"झुट !"
"तिमीलाई पाईन भने म आत्महत्या गर्छू। तिमीबिना एक्लै बाँच्न पनि सक्दिन,मर्न पनि सक्दिन !"
"फगत झुट !"
"कसम सरला, म तिमीलाई धोका दिदैन।मात्र मलाई तिम्रो साथ देऊ। म तिमीसँग जुनि काट्न चाहन्छु ।"
"यो सब झुट !"
"के चाहन्छौ, म तिम्रै अगाडि आत्मदाह गरुँ ?"
" वाईयात ! यो सब झुट !"
" बरु, तिमीले कविता लेख्न सक्छौ आत्मदाह शिर्शक मा, पुरस्कार जित्न सक्छौ ।"
सरलाको बिहेको कुरा चल्छ घरमा। प्रेमको अनिश्चित यात्रामा लिईन हुनुभन्दा बिहे गरेर कुशल ग्रिहिणि हुनुमै बेश ठान्छे सरला। उसको श्रिमानले बिहेपछी उसलाई बिदेश लैजाने रे !
बिचरी सरलालाई के थाहा ? उसको श्रिमान केटी बेच्ने दलाल हो भनेर । बिहेको अनेकन नाटक रचेर केटी बेच्दो रहेछ उसले।
"सरला पनि बेचिई रे!" - अर्जुनको कानमा ठोकिन पुग्छ उक्त ध्वनि ।
सरलाको बिछोडमा पागल अर्जुन दोबाटो मै भौतारिदै भन्ने गर्छ।
"झुट !"
"फगत झुट !"
"यो सब झुट !"
"वाईयात! यो सब झुट!"